რატომ ფრენბურთი?

ჩემს პოსტებში უკვე ბევრჯერ გამოვხატე ჩემი დამოკიდებულება ფრენბურთის მიმართ. უკვე მეექვსე წელია, რაც ჩავერთე ფრენბურთის სამყაროში, რომელიც ძალიან პატარა და მრავალფეროვანია. რთული არ არის იმის გამოცნობა, რატომ მომინდა ბლოგის გაკეთება ფრენბურთის შესახებ, ეს სპორტი ჩემი ცხოვრების ნაწილი გახდა და ამ სფეროში ნებისმიერი პრობლემა ჩემთვის მნიშნელოვანია და მსურს მეც მივიღო მონაწილეობა ამ პრობლემების მოგვარებაში.
ფრენბურთის შესახებ ინფორმაციით დატვირთული ბლოგი საზოგადოების მცირე ნაწილს მაინც მისცემს საშუალებას გაიგოს მეტი ან საერთოდ გაიგოს ამ სპორტის საქართველოში არსებობის შესახებ. ვიმედოვნებ, რომ ჩემი ეს ძალისხმევა ნაყოფს გამოიღებს და დადგება დრო, როდესაც საქართველოში ფრენბურთელები გახდებიან კარგი პროფესიონალები, შეიქმნება კარგი პირობები და სპორტსმენებს ეყოლებათ ბევრი სპონსორი.
ჩემს ბლოგში მე მკითხველებს მივაწოდე საინტერესო ინფორმაცია ფრენბურთის შესახებ, დავწერე ამ სფეროში მომხდარი ახალი ამბების შესახებ და ამასთანავე გამოვხატე ჩემი ემოცია და დამოკიდებულება ამ ყველაფრის მიმართ.

უნივერსიადა - "ილიაუნის" ფრენბურთის გუნდი. "ილიას" უნივერსიტეტის გუნდმა, ერთწლიანი შესვენების შემდეგ, ნახევარფინალისტი გახდა და საუკეთესო მოთამაშის ტიტული "ილიაუნის" გუნდის მოთამაშემ მოიპოვა. 

ფინალი

დღეს ჩემპიონობა ისევ "ჯიკომ" დაიბრუნა. თამაში მართლა დაძაბული და საინტერესო იყო, ასე ვთქვათ, მართლაც რომ საფინალო. მანამდე კი შედგა თამაში "ბათუმსა" და "თსუ"-ს შორის, რომელიც 3:0 დამთავრდა. მათ, ვინც არ ესწრებოდა "ჯიკო" 3 - 2 "თბილისის" (25:14; 10:25; 25:23; 16:25; 16:14) თამაშს, გეტყვით, რომ დაკარგეთ შანსი, გამოგეყოთ დიდი რაოდენობით ადრენალინი. აქ არ იყო სისხლის ღვრა და ხელჩართული ჩხუბი, მაგრამ ეს იყო ბრძოლა, ეს იყო ტექნიკურობისა და ძალის გამოვლინება და, რა თქმა უნდა, იღბლიანობა. განა მარტო მოთამაშეებსა და მწვრთნელებს შორის... გულშემატკივრები უფრო მეტად ეჯიბრებოდნენ ერთმანეთს.
თამაშის განმავლობაში უპირატესობას ხან ერთი, ხან კიდევ მეორე გუნდი მოიპოვებდა ხოლმე, საბოლოოდ, გადამწყვეტ მეხუთე სეტში, "ჯიკომ" მცირედი უპირატესობით 16:14 გამარჯვება მოიპოვა. გასაკვირია, მაგრამ მიუხედავად იმისა, რომ სეტების მიხედვით, თამაში 3:2 დამთავრდა, "ჯიკოს" სასარგებლოდ, მოგებულ ქულათა ჯამის მიხედვით, უპირატესობა აქვს "თბილისს" ("ჯიკოს" აქვს 25+10+25+16+16=92; ხოლო თბილისს - 14+25+23+25+14=101). საოცარია, მაგრამ ასეც ხდება ხოლმე :) ყოველ შემთხვევაში, ნამდვილად ვულოცავ ჯიხაიშის გუნდს ამ გამარჯვებას, ვიცი, რომ მათ ეს დაუფასდებათ! თბილისის გუნდის მოგების შემთხვევაში, სიტუაცია მაინც არ შეიცვლებოდა. მოთამაშეებმა მეტი უნდა ივარჯიშონ და მეტი მოინდომონ, მიუხედავად იმისა, რომ ამის საშუალებას ზოგჯერ არც კი აძლევენ. რა გასაკვირია, როდესაც თბილისის ფრენბურთის ფედერაცია ფინალურ თამაშებზე მარნეულში გასამგზავრებლადაც არ აძლევს გუნდს ფულს, ჩემი და ალბათ ბევრი თქვენგანის აზრით, ეს უკვე ელემენტარული მათხოვრობაა...

7 მაისი...მარნეული...

ჯიკო

სათაური ისეთი გამომივიდა, თითქოს რაიმე ძალიან ღისრსშესანიშნავ ფაქტზე უნდა დავწერო :) დღეს პირველად ვიყავი მარნეულში, გზად ძალიან ლამაზი პანორამები გადამეშალა. 

     რაც შეეხება სპორტულ კომპლექსს, მართლაც მომეწონა და ვიმედოვნებ, რომ ამის მსგავსი კიდევ ბევრი აშენდება საქართველოში. სწორედ ამ დარბაზში ჩატარდა საქართველოს ჩემპიონატის ნახევარფინალები, ერთმენეთს ფინალში გასავლელად ეჯიბრებოდნენ "ბათუმი" 1 - 3 "ჯიკო" და "თბილისი" 3 - 0 თსუ. 

ბათუმი 

ნამდვილად ვერ ვიტყოდი, რომ რომელიმე თამაში დაძაბულობით გამოირჩეოდა, სამაგიეროდ შემიძლია აღვნიშნო, რომ თსუ-ს გუნდის ქომაგები ნამდვილად ძალიან აქტიურები და შექების ღირსები არიან. აგრეთვე, რაც "ჯიკოს" გუნდი მახსოვს, მათაც ყოველთვის ძლიერი გულშემატკივრები ჰყავთ, ეს კი გუნდისთვის მართლაც დიდი სტიმულია.

თსუ

ხვალ მესამე ადგილისთვის ერთმანეთს შეხვდებიან თსუ-სა და ბათუმის გუნდები; ხოლო პირველი ადგილისთვის, ვფიქრობ დაძაბული ბრძოლა შედგება ხვალ, 3 საათზე, მარნეულში, ერთმანეთს უკვე დიდი ხნის მეტოქეები, "ჯიკო" და "თბილისი" შეხვდებიან.

თბილისი

    


შეგახსენებთ,რომ ჯიხაიშის გუნდი,  საქართველოს 8 გზის ჩემპიონია, შარშან კი "თბილისის" მოთამაშეებმა მათ ეს ტიტული ჩამოართვეს, ვნახოთ, როგორ განვითარდება მოვლენები.

მე პირადად ვნერვიულობ...და მოველი ხვალინდელ თამაშს

                                           წარმატებები

ფრენბურთის ისტორია

ფრენბურთის ,,საპასპორტო’’ მონაცემები ცნობილია: თამაში 1895 წელს მოიგონა ამერიკული ქალაქის ჰოლიოკის მკვიდრმა, ფიზიკური აღზრდის მასწავლებელმა უილიამ მორგანმა. მან ახალ თამაშს ,,მინონეტი’’ უწოდა. 1896 წელს ეს თამაში ქალაქ სპრიფგფილდში წარადგინეს ახალგაზრდა ქრისტიანთა ასოციაციის კონფერენციაზე. აქ პროფესორ ალფრედ ჰალსტედის ინიციატივით თამაშს ფრენბუთი (volley - მფრინავი) უწოდეს და ეს სახელი თამაშს დღემდე შემორჩა. ნელ-ნელა ახალი თამაში სხვა ამერიკულ ქალაქებშიც გავრცელდა. მალე კი კანადაში და ლათინურ ამერიკაშიც. 1990 წელს ფირმა ,,სპოლდინგმა’’ დაამზადა ფრენბურთის სათმაშო პირველი ბურთი. იმავე წელს დაიწერა ფრენბურთის თამაშის პირველი ოფიციალური წესები.

პირველი მსოფლიო ომის დროს ამერიკის საექსპედიციო ჯარების ჯარისკაცებმა ფრენბურთი ევროპასაც გააცვნეს. თამაშმა მალე პოპულარობა მოიპოვა და სწრაფად გავრცელდა მთელს ევროპაში. 1922 წელს ბრუკლინში პირველი ამერიკული შეჯიბრებაც გაიმართა ფრენბურთში. იმავე წელს შეიქმნა ჩეხოსლოვაკიის ფრენბურთის (და ხელბურთის) ფედერაცია. 20-ან წლებში ასეთივე ფედერაციები შეიქმნა სსრ კავშირში, ბულგარეთში, აშშ-ში, იაპონიაში და სხვაგან.
    პირველი მსოფლიო ომის შემდგომ ფრენბურთმა სწრაფი პოპულარობა განიცადა. 1936 წელს ხელბურთის საერთაშორისო ფედერაციის სტოკჰოლმის კონგრესზე პოლონეთის დელეგაციამ დააყენა წინადადება შეექმნათ ფრენბურთის კომისია, როგორც ფედერაციის შემადგენელი ორგანო. კონგრესმა ეს წინადადება მიიღო და შეიქმნა კომისია, რომლის შემადგენლობაში 22 ქვეყნის წარმომადგენელი შევიდა.

მეორე მსოფლიოს ომის შემდეგ, 1947 წლის 18 - 20 აპრილს პარიზში გაიმართა ფრენბურთის საერთშორისო ფედერაციის (Federation Internationale de Volleyball - FIVB ) დამფუძნებელი კონგრესი. დამფუნებელი ქვეყნები იყვნენ: ბრაზილია, უნგრეთი, ეგვიპტე, იტალია, ჰოლანდია, პოლონეთი, პორტუგალია, რუმინეთი, აშშ, ურუგვაი, საფრანგეთი, ჩეხოსლოვაკია და იუგოსლავია.

ფედერაციის შტაბ-ბინა მდებარეობს ლოზანაში. ამჟამინდელი პრეზიდენტია ვეი ცზიჩუნი (ჩინეთი)

ამჟმად იგი აერთიანებს 218 ქვეყანას და 5 კონტინენტალურ კონფედერაციას.

ka.wikipedia.org 

საქართველოს ჩემპიონატი

    მოგახსენებთ,რომ 4 აპრილს ჩატარდა საქართველოს ჩემპიონატის მეორე ტური, რომელშიც ჩემმა გუნდმა მიიგო მონაწილეობა. პირველი ტურის  წარუმატებლობის   მიუხედავად,თბილისის გუნდმა, წარმატებით დაამთავრა მეორე ტური.
 ეს არის შემდგარი თამაშების შედეგები :

• თბილისი 3:0 ქუთაისი 
• თბილისი3:0 ბოლნისი 
• ბათუმი 1:3 ჯიკო (დიდი ჯიხაიში) 
• თბილისი 3:1 თსუ  
• ბათუმი 3:1 ბოლნისი
• ბათუმი 3:0 ქუთაისი 
• თბილისი 3:1 ბათუმი 
• ბათუმი 3:0 თსუ 
• ჯიკო (დიდი ჯიხაიში) 3:0 კუთაისი 

        მეორე ტური დასრულდა და გუნდებიც დაბრუნდნენ თავის ქალაქებსა თუ სოფლებში. ნახევარფინალში შემდეგი გუნდები გადავიდნენ: "თბილისი", "ჯიკო", "ბათუმი" და "თსუ". თითოეულმა მათგანმა დამსახურებულად მოიპოვა თითოეული გამარჯვება. მეორე ტურში ლიდერები 1. თბილისის და 2. ჯიხაიშის გუნდები არიან. ჯერ არ არის ცნობილი, თუ სად ჩატარდება ნახევარფინალები და ფინალები, მაგრამ ვიმედოვნებ, რომ გულშემტკივრები თავისი გუნდების ერთგულები დარჩებიან და ყველგან გაყვებიან მათ მხარდასაჭერად.
http://ella.kazarian@gmail.com

 მოცემული ვიდეო წარმოადგეს პატარა მონაკვეთს, რომელიც ასახავს თბილისის და ბოლნისის თამაშს 

თბილისი-ბოლნისი

რა არის ფრენბურთი საქართველოში?

მოყვარულების ფრენბურთი ზღვაზე

შენ კალათბურთელი ხარ ხო?
აბა ხელბურთელი?
ააა... ფრენბურთი ეს ისაა წყალში რომ თამაშობენ?
ამ და სხვა მსგავს შეკითხვებზე პასუხის გაცემა მიწევს ხოლმე მე და სხვა ბევრ ფრენბურთელსაც. მიუხედავად იმისა, რომ ზაფხულში ზღვის პირას ქვიშაში ფრენბურთის თამაში ძალიან ბევრს უყვარს.

ასეთი დამოკიდებულების გამო ჯერ ვისაუბროთ ქვიშის ფრენბურთზე, ეს არის თამაში 4 ადამიანს (2 წყვილს) შორის ღია ცის ქვეშ ქვიშაში. თამაშობენ 3 პარტიიდან (ორ მოგებამდე), თითო პატია არის 21-მდე. მესამე გადამწყვეტი კი 15-მდე. საქართველოში ერთი და იგივე ფრენბურთელები ორივე სახის - კლასიკურ და ქვიშის ფრენბურთს თამაშობენ. წესით, ეს არ არის მიღებული, რადგან ამ ორ სახეობას შორის მნიშვნელოვანი განსხვავებაა ფიზიკური მომზადებისა ან თუნდაც მოთამაშის ტექნიკის მხრივ, არაფერი რომ არ ვთქვათ წესებზე.

ახლა კი კლასიკური ფრენბურთი. ეს არის თამაში 6-6-ზე 5
 პარტიიდან (სამ მოგებამდე), თითო პარტია არის 25 ქულამდე, ხოლო მეხუთე გამადწყვეტი 15-მდე.
ოო.. რამდენჯერ მითამაშია და დარწმუნებული ვარ ბევრ თქვენგანს ეს გადამწყვეტი და დაძაბული ბოლო პარტია... ეს არის დიდი რაოდენობით ადრენალინი, უზომოდ ბევრი ემოცია და ზოგჯერ ისეთი ძალა, რომელიც გეგონათ არც არასდროს გაგაჩნდათ.
       ეს იყო მცირე მიმოხილვა ფრენბურთის ორი სახეობის შესახებ. შემდგომ პოსტებში შევეცდები მოთამაშეების უფრო ცალკეულ ფუნქციებზე გესაუბროთ, რა თქმა უნდა, რაც შეიძლება საინტერესოდ.


http://ella.kazaian@gmail.com 

ფრენბურთის წესები

ფრენბურთი მეტად პოპულარული სპორტის გუნდური სახეობა, რომელშიც ორი გუნდი (თითოეულში ექვსი მოთამაშით} ცდილობს ქულები მოაგროვოს მოწინააღმდეგის მოედანში ბურთის ჩაგდებით.
ფრენბურთს თამაშობენ 18X9 მ ზომების მოედანზე, რომლის შუაში 243 სმ-ს (იატაკიდან ბადის ზედა კიდემდე) სიმაღლეზე აღმართულია 1მ სიგანის ბადე (ქალებისთის 224 სმ). გუნდში ექვსი მოთმაშეა (მათ შორის ერთი გამთამაშებელი, რომელსაც სხვა ფერის ფორმა აცვია). გუნდებს თითოეულ პარტიაში ექვსი შეცვლის უფლება აქვთ. ბურთის მოწოდებისას მოთამაშეებს გარკვეული პოზიციები უკავიათ და მისი დარღვევა ისჯება. ბურთის მოწოდების მოპოვების შემთხვევაში მოთამაშეები საათის ისრის მიმართულებით გადაადგილდებიან. ბურთ ყოველთვის აწოდებს მოთმაშე რომელსაც ამ დროს მარჯვენა კუთხეში მოუწევს დგომა. ქულა მოპოვებულად ითვლება თუ ის მეტოქის ნახევარში იატაკს შეეხო ან მეტოქის ხელიდან დატოვა მოედანი (ბურთი თამაშიდან გასულად ითვლება თუ მოედნის გარეთ ან იატაკს ან რაიმე სხვა საგანს შეეხო). მატჩი ფრენბურთში სამი პარტიის მოგებამდე გრძელდება. თითოეული მარტია კი 25 ქულამდე (მეხუთე პარტია - 15 ქულამდე). ამავე დროს აუცილებელია მინიმუმ ორქულიანი სხვაობა (ანუ 25-24-ზე თამაში არ მთვარდება და გრძელდება ორქულიანი უპირატესობის მოპოვებამდე). ყოველი პარტიის შემდეგ მეტოქეები მოედნის ნახევრებს ცვლიან. აკრძლულია ბადის მეორე ნახევარში ხელის გადაყოფა, მეტოქესთან ან მოედნის მეორე ნახევართან კონტაქტი, ბადის ვერტიკალური სიბრტყის გადაკვეთა, ბურთთან შეხება წელსქვედა ნაწილით. გუნდებს უფლება აქვთ თითოეულ პარტიაში აიღონ ორი 30 წამიანი წუთშესვენება. გუნდს უფლება აქვს მოწოდებულ ბურთს შეეხოს მხოლოდ სამჯერ, ამასთან მესამე შეხებით ბურთი აუცილებლად მეტოქის ნახევრისკენ უნდა გაიგზავნოს. სათამაშო ბურთი ტყავისგან მზადდება. გარშემოწერილობა 65-67 სმ-ა, ხოლო წონა - 260-280 გრ.

ka.wikipedia.org